WELCOME TO ASIA REAL ESTATE CAMBODIA

Asia Real Estate Cambodia “ARC” was established in 2008, a fully licensed professional real estate company in Cambodia offering a full range of real estate services ( Agency ,Valuation, Research & Consultancy, Management and Property Investment) to corporate, institutional and individual clients across the country.

In commitment to serve our client in excellence service,ARC have provided the most up-to-date information of all category property available coupled with the experience and expertise of Asia Real Estate Cambodia’s professionals team. This enable us to promptly gain reputation from our bank partners and investors within the last few years , particularly in valuation , agency and consultancy service .

We ensure a comprehensive network that have been designed to match investors to the property opportunities available nationwide and assist our owners, investors and business partners in minimizing risks , maximizing the profitability and achieving their investment goals .

FRESH PROPERTY

LOCAL REAL ESTATE

INTER-REAL ESTATE

ECONOMIC NEWS

តម្លៃ​ដី​នៅ​តំបន់​សំខាន់ៗ​ក្នុង​ទីក្រុង​ភ្នំពេញ​កើន​ប្រមាណ ១១ ភាគរយ

ភ្នំពេញ: តម្លៃ​អចលនទ្រព្យ​ក្នុង​តំបន់​សំខាន់ៗ​នៅ​ទីក្រុង​ភ្នំពេញ​មាន​ការកើនឡើង ១០.៧ ​ភាគរយ​ក្នុង​ឆមាស​ទី​ ២​ ក្នុង​ឆ្នាំ​ ២០១៤ ខណៈ​អចលនទ្រព្យ​នៅ​តំបន់​ជួល​ការិយាល័យ ​កម្រិត​ A បាន​កើនឡើង​ ១១.១ ​ភាគរយ​។ នេះ​បើ​យោង​តាម​សន្ទស្សន៍​តម្លៃ​ដី​ក្នុង​តំបន់​អាស៊ី​ របស់​ក្រុមហ៊ុន​អចលនទ្រព្យ​ Knight Frank​។

យោងតាម​ការស្រាវជ្រាវ​របស់​ក្រុមហ៊ុន ​Knight Frank បាន​បង្ហាញ​ថា តម្លៃ​អចលនទ្រព្យ​ទីក្រុង​ Bengaluru ទីក្រុង​ភ្នំពេញ និង​ទីក្រុង​បាងកក​បាន​កើនឡើង​ខ្លាំង​ជាងគេ​ដោយ​តម្លៃ​អចលនទ្រព្យ​ទីក្រុង​ Begaluru​ មាន​ការកើនឡើង​ ១១.០ ​ភាគរយ​ដោយ​គិត​លើ​តំបន់​សំខាន់ៗ ខណៈ​ទីក្រុង​ភ្នំពេញ​មាន​កំណើន​ ១០.៧ ​ភាគរយ និង​ដើរ​តាម​ពី​ក្រោយ​ទីក្រុង​ហ្សាការតា​មាន​កំណើន​ឡើង​ ៨.០ ភាគរយ​។

លោក Ross Wheble ប្រធាន​គ្រប់គ្រង​ក្រុមហ៊ុន​ Knight Frank ប្រចាំ​កម្ពុជា បាន​និយាយ​ថា ខណៈ​ការអភិវឌ្ឍ​អចលនទ្រព្យ​ប្រកប ដោយ​គុណភាព​ខ្ពស់​ត្រូវ​បាន​ដំណើរការ​សាងសង់​នៅ​ប្រទេស​កម្ពុជា​ទាំង​ក្នុង​តំបន់​លំនៅឋាន និង​ពាណិជ្ជកម្ម គម្រោង​អចលនទ្រព្យ​ដែល​ទើប​ដាក់​លក់​ថ្មីៗ​នេះ​អាច​នឹង​លក់​បាន​ក្នុង​តម្លៃ​ខ្ពស់ ហើយ​អត្រា​ជួល​ការិយាល័យ​នឹង​ធ្វើឲ្យ​អ្នកអភិវឌ្ឍន៍​ទទួល​បាន​ផលប្រយោជន៍​ច្រើន ដូច្នេះ​ជា​លទ្ធផល​តម្រូវការ​មាន​ការកើនឡើង​ធ្វើឲ្យ​តម្លៃ​អចលនទ្រព្យ​មាន​ការកើនឡើង​។

លោក​ឲ្យ​ដឹង​ថា សម្រាប់​តំបន់​ក្រុមហ៊ុន​ផ្តោតលើ និង​យក​មក​សិក្សា​រួមមាន​តំបន់ បឹង​កេងកង​មួយ និង​ទន្លេបាសាក់​។

លោក​អះអាង​ថា ៖«​សកម្មភាព​អភិវឌ្ឍន៍ លំនៅឋាន​នៅតែ​មាន​ស្ថានភាព​ល្អ ហើយ​យើង​រំពឹង​ទុក​ថា និន្នាការ​នេះ​នឹង​បន្ត​​ ទៅ​មុខ​ទៀត​នាពេល​អនាគត​ដោយ​អ្នកទិញ​អចលនទ្រព្យ​កម្ពុជា​មាន​ទំនោរ និង​ចង់​ក្លាយ​ជា​ម្ចាស់​កម្មសិទ្ធិ​ដោយ​ផ្ទាល់​លើ​អចលនទ្រព្យ​។ លើស​ពី​នេះ ទៅ​ទៀត អ្នក​ទិញ​បរទេស​ដែល​ជា​ម្ចាស់​ដី​ត្រូវ បាន​រឹតបន្តឹង​លើ​ការទិញ​ដី​សម្រាប់​ទុក​លក់ ដែល​ជួយ​សម្រាល​ដល់​ការ​មាន​ហានិភ័យ​នៃ​កំណើន​ឡើង​តម្លៃ​អចលនទ្រព្យ​ដែល​មាន​ភាពផុយស្រួយ​»​។

របាយការណ៍​ខាងលើ​បាន​ឲ្យ​ដឹង​ថា ៖«​ភ្នំពេញ​ជា​ទីកន្លែង​ដែល​មាន​ភាពលេចធ្លោ​គួរ​ឲ្យ​កត់សម្គាល់​លើ​តម្លៃ​អចលនទ្រព្យ​ក្នុង​តំបន់​សំខាន់​ដោយ មាន​ការកើនឡើង​ ១០.៧ ​ភាគរយ និង​តម្លៃ​អចលនទ្រព្យ​នៅ​តំបន់​ការិយាល័យ​កម្រិត​ A ​មាន​ការកើនឡើង​ដល់​ ១១.១ ​ភាគរយ​ក្នុង​ឆមាស​ទី​ ២ ​ឆ្នាំ​ ២០១៤ »​។

របាយការណ៍​ដដែល​បាន​បង្ហាញ​ថា អចលនទ្រព្យ​លំនៅឋាន​បាន​បន្ត​កំណើន​ឡើង​​នៃ​ការលក់​ចេញ​ទៅ​ឲ្យ​វិនិយោគិន​នៅ​ក្រៅ​ប្រទេស ពិសេស តៃវ៉ាន់ ជប៉ុន និង​សិង្ហបុរី​ជាដើម ហើយ​ការលក់​ចេញ​​ក្នុង​តម្លៃ​ខ្ពស់ ខណៈ​ អគារ​ពាណិជ្ជកម្ម​នៅតែ​មាន​ស្ថានភាព​ដោយ​មាន​តម្រូវការ​ជួល​ពី​ក្រុមហ៊ុន​បរទេស​ដែល​មាន​បំណង ទាញ​រក​ផលចំណេញ​ពី​សេដ្ឋកិច្ច​ដែល​កំពុង​មាន​ភាពរឹងមាំ​នេះ​៕

Source of postkhmer.com

05-05-2015

ផ្សារ​ទំនើប​តូចៗ​នៅ​ភ្នំពេញ​កំពុង​ប្រឈម​មុខ​នឹង​អនាគត​មិន​ច្បាស់​លាស់

ភ្នំពេញ: ប៉ុន្មាន​ឆ្នាំ​ចុង​ក្រោយ​នេះ​វត្តមាន​ផ្សារ​ទំនើប​នៅ​ក្រុង​ភ្នំពេញ កំពុង​កើន​ទ្បើង​កាន់​តែ​ច្រើន​ដែល​បាន​ធ្វើ​ឲ្យ​ផ្សារ​ទំនើប​តូចៗ ប្រឈម​មុខ​នឹង​អនាគត​មិន​ច្បាស់​លាស់ បន្ទាប់ពី​ផ្សារ​ទំនើប AEON MALL បើក​ដំណើរការ និង​វត្តមាន​ផ្សារ​ទំនើប​លំដាប់​អន្តរជាតិ​មួយ​ចំនួន​បន្ថែម​ទៀត នឹង​បើក​ដំណើការ​នៅ ឆ្នាំ​២០១៦ ខាង​មុខ។

អគ្គ​នាយក​ក្រុមហ៊ុន ប៊ុណ្ណា រៀលធី គ្រុប លោក ស៊ឹង ប៊ុណ្ណា បាន​ថ្លែង​ឲ្យ ប៉ុស្តិ៍​អចលន​ទ្រព្យ ដឹង​កាល​ពី​ពេល​ថ្មីៗ​នេះ​ថា ចំនួន​ផ្សារ​ទំនើប​នៅ ក្រុង​ភ្នំពេញ កំពុង​កើន​ទ្បើង​ច្រើន ប៉ុន្តែ​មាន​តែ AEON MALL មួយ​ប៉ុណ្ណោះ​ដែល​មាន​ស្តង់ដារ​អន្តរជាតិ។

ក្នុង​ស្ថានភាព​នេះ​បើ​សិន​ជា​មាន​ចំនួន​ផ្សារ​ទំនើប​ដូចជា AEON, Parkson និង​ផ្សារ​ទំនើប​ក្នុង​គម្រោង Olympia City តែ​ប៉ុណ្ណឹង វា​មិន​មាន​ការ​ព្រួយ​បារម្ភ​ទេ​សម្រាប់ ២ ទៅ ៣ ឆ្នាំ​ខាង​មុខ​នោះ ប៉ុន្តែ​បើ​មាន​ផ្សារ​ទំនើប​កាន់​តែ​ច្រើន​ទៀ​តវា​ពិត​ជា​មាន​ការ​ព្រួយ​បារម្ភ ព្រោះ​បច្ចុប្បន្ន​នេះ​អ្នក​មាន​ជីវភាព​បង្គួរ​ទ្បើង​ដល់​កម្រិត​ខ្ពស់​ពួកគេ​មិន​គាំទ្រ​ផ្សារ​ទំនើប​ក្នុង​ស្រុក​នោះ​ទេ ពួក​គេ​នៅ​តែ​និយម​ដើរ​កម្សាន្ត​និង​ទិញ​ទំនិញ​នៅ​ក្រៅ​ប្រទេស។ ចំណែក​អ្នក​ស្ថិត​ក្នុង​ជីវភាព​មធ្យម​ចុះ​ក្រោម​ពួក​គេ​ទៅ​ផ្សារ​ទំនើប​គឺ​គ្រាន់​តែ​ដើរ​មើល (Window shopping)។

ដូច្នេះ​មិន​ដឹង​ថា តើ​អ្នក​ជួល​តូប​នៅ​តាម​ផ្សារ​ទាំង​នោះ នឹង​អាច​ដំណើរការ​អាជីវកម្ម​ពួក​គេ​ដោយ​របៀប​ណា​ទ្បើយ?

លោក​បន្ត​ថា៖ «បើ​ផ្សារ​ទំនើប​ធំៗ​មាន​ស្តង់ដារ​អន្តរជាតិ​ចូល​មក​កាន់​តែ​ច្រើន​វា​អាច​ធ្វើ​ឲ្យ​ផ្សារ​តូចៗ​បាត់​ខ្លួន ព្រោះ​ល្បឿន​នៃ​ការ​ទិញ​របស់​យើង​នៅ​មាន​កម្រិត​ទាប​នៅ​ទ្បើយ»។

លោក​បន្ត​ថា៖ «សម្រាប់ AEON MALL គឺ​ពួកគេ​នឹង​មិន​មាន​បញ្ហា​នោះ​ទេ បើ​ទោះ​ជា​មាន​ផ្សារ​ទំនើប​អន្តរជាតិ​ថ្មីៗ​ចូល​មក​ច្រើន​ក៏​ដោយ ព្រោះ​ទីតាំង​ទំហំ​ផ្សារ ការ​រៀបចំ​ឌីហ្សាញ និង​ការ​រៀបចំ​ប្រព័ន្ធ​លក់​របស់​គាត់ មាន​លក្ខណៈ​អន្តរជាតិ»។

លោក ប៊ុណ្ណា បន្ត​ថា នៅ​បរទេស​គេ​មាន​ផ្សារ​ទំនើប​ធំៗ​ដែល​លក់​ផលិតផល​តែ​មួយ​គឺ​បើ​លក់​ទូរទស្សន៍​គឺ​លក់​តែ​ទូរទស្សន៍ បើ​លក់​សម្លៀក​បំពាក់​គឺ​លក់​តែ​សម្លៀក​បំពាក់ នៅ​កម្ពុជា​គឺ​នៅ​មាន​តម្រូវការ​ផ្សារ​បែប​នេះ ព្រោះ​កម្ពុជា​មិន​ទាន់​មាន​ប្រភេទ​ផ្សារ​បែប​នេះ​នៅ​ទ្បើយ​ទេ។

លោក​បន្ត​ថា នៅ​ពេល Parkson និង​ផ្សារ​ទំនើប​ក្នុង​គម្រោង Olympia ដំណើរការ​មិន​ដឹង​ថា ផ្សារ​ទំនើប​ថ្មី​ទាំង​នេះ​នឹង​ញែក​ចំនួន​អតិថិជន​ពី AEON MALL កម្រិត​ណា​នោះ​ទេ ប៉ុន្តែ​រយៈ​ពេល ៣ ទៅ ៥ ឆ្នាំ​ទៀត​បើ​អ្នក​ដើរ​ផ្សារ​ទំនើប​មើល​ទំនិញ​បែប​នេះ វា​នឹង​មាន​ការ​បារម្ភ​ពី​អ្នក​ជួល​តូប។ តើ​ពួកគេ​អាច​ដំណើរការ​អាជីវកម្ម​របស់​ខ្លួន​បាន​ដូច​ម្តេច?

យោង​តាម​លទ្ធផល​អង្កេត​បឋម​របស់​ក្រុមហ៊ុន ប៊ុណ្ណា រៀលធី គ្រុប ដែល​បាន​ធ្វើ​ការ​សិក្សា​ពី​ចំនួន​ផ្សារ​ទំនើប​នៅ​ក្រុង​ភ្នំពេញ បាន​បង្ហាញ​ថា គិត​ត្រឹម​ត្រីមាស ទី១ ឆ្នាំ​នេះ​ចំនួន​ផ្សារ​ទំនើប​នៅ​ក្រុង​ភ្នំពេញ បាន​កើន​ទ្បើង​ដល់ ២៥ កន្លែង​ក្នុង​នោះ ១៤ កន្លែង​បាន​និង​កំពុង​បើក​ដំណើរការ​ដែល​មាន​ទំហំ​សរុប​ចំនួន ៣៦ ទៅ ៣៧ ម៉ឺន​ម៉ែត្រ​ការ៉េ និង​ផ្សារ​ទំនើប​ចំនួន ១១ ទៀត​បាន​និង​កំពុង​ដំណើរការ​សាង​សង់ និង​ស្ថិត​ក្នុង​គម្រោង​ត​នៅ​ទ្បើយ ប៉ុន្តែ​បើ​គិត​ត្រឹម​ដំណាច់ ឆ្នាំ​២០១៥ នេះ​ទំហំ​ផ្សារ​ទំនើប​នឹង​កើន​ដល់ ៤០ ម៉ឺន​ម៉ែត្រ​ការ៉េ​ហើយ​ទំហំ​នេះ​នឹង​កើន​រហូត​ដល់ ៦០ ម៉ឺន​ម៉ែត្រ​ការ៉េ​គិត​ត្រឹម​ដំណាច់ ឆ្នាំ​២០១៨។

ការ​សិក្សា​ដដែល​បាន​រក​ឃើញ​ថា ទំហំ​នៃ​ប្រើ​ប្រាស់​ផ្សារ​ទំនើប​ទាំង​នោះ​នៅ​តែ​ខ្ពស់​ដោយ​គ្រប​ដណ្តប់ ៧៤ ភាគរយ និង​តម្លៃ​ជួល​ចាប់​ពី ២០ ទៅ ១០០ ដុល្លារ​ក្នុង​មួយ​ម៉ែត្រការ៉េ​សម្រាប់​ផ្សារ​នៅ​កណ្តាល​ក្រុង និង​ចាប់​ពី ៧ ដល់ ១៨ ដុល្លារ​សម្រាប់​ផ្សារ​ដែល​ស្ថិត​នៅ​ជាយ​រាជធានី​ភ្នំពេញ។ ផ្សារ​ដែល​មាន​ភាព​ទាក់ទាញ​ជាង​គេ​នា​ពេល​បច្ចុប្បន្ន គឺមាន​ដូចជា AEON MALL, TK Evenue, Sorya Shopping Mall និង​ផ្សារ​ទំនើប Pencil។

ការ​សិក្សា​ក៏​បាន​រក​ឃើញ​ផង​ដែរ​ថា ផ្សារ​ទំនើប​មួយ​ចំនួន​ដែល​មិន​គោរព​បាន​តាម​ស្តង់ដារ​អន្តរជាតិ​កំពុង​ប្រឈម​មុខ​នឹង​បញ្ហា​ដោយសារ​អត្រា​ជួល​ក្នុង​ផ្សារ​ទាំង​នោះ​មាន​ការ​ធ្លាក់​ចុះ ហើយ​បញ្ហា​ទាំង​នេះ​បណ្តាល​មក​ពី​កត្តា​មួយ​ចំនួន​ដូចជា ទី១ ផ្សារ​ហាក់​មាន​ចំនួន​ច្រើន និង​ផ្សារ​ទាំង​នោះ​មិន​មាន​ភាព​ទាក់​ទាញ​អ្នក​ដើរ​ផ្សារ ទី២ ចំណាប់​អារម្មណ៍​របស់​អ្នក​ដើរ​ផ្សារ​ភាគ​ច្រើន​គឺជា​ក្រុម​យុវវ័យ​ដែល​ពួកគេ​ចូលចិត្ត​ផ្សារ​ដែល​មាន​កន្លែង​កម្សាន្ត​ច្រើន និង ទី ៣ ការ​រៀបចំ​ការ​ឌីហ្សាញ​ផ្សារ និង​ផលិតផល​ដាក់លក់​នៅ​ផ្សារ​ទាំង​នោះ​មាន​គុណភាព​មិន​ច្បាស់​លាស់​ជាដើម។

តាម​រយៈ​ការ​ពិនិត្យ​ជាក់​ស្តែង​នៅ​តាម​ផ្សារ​ទំនើប​តូចៗ​ដូចជា ផ្សារ​ទំនើប​សុវណ្ណា រតនា​ផ្លាហ្សា ស៊ីធីម៉ល និង​ផ្សារ​ទំនើប​សូរិយា គេ​សង្កេត​ឃើញ​ថា តូប​លក់​ទំនិញ​ជាច្រើន​បាន​បិទ​ទ្វារ​ហើយ​អត្រា​ជួល​តូប​បាន​ធ្លាក់​ចុះ​គួរ​ឲ្យ​កត់​សម្គាល់ ដោយ​សារ​ចំនួន​មនុស្ស​ដើរ​ទិញ​ទំនិញ​នៅ​ផ្សារ​ទាំង​នោះ​បាន​ធ្លាក់​ចុះ​ចាប់​តាំង​ពី​ផ្សារ​ទំនើប​លំដាប់​អន្តរជាតិ AEON MALL បាន​បើក​ដំណើរការ​ជា​លើក​ដំបូង​នៅ​កម្ពុជា។

លោក លូ ម៉េង ប្រធាន​សមាគម​សណ្ឋាគារ​កម្ពុជា​និង​ជា​ប្រធាន​សមាគម​ចុងភៅ​កម្ពុជា ដែល​បាន​បើក​ហាង​លក់​ស្រា និង​ផលិត​ផល​មួយ​ចំនួន​នៅ​ជាន់​ផ្ទាល់​ដី និង​បើក​ភោជនីយដ្ឋាន Khmer World Court ដែល​លក់​មុខ​ម្ហូប ១២ មុខ​ខុសៗ​គ្នា​នៅ​ជាន់ ទី១ នៃ​ផ្សារ​ទំនើប AEON MALL បាន​ថ្លែង​ថា បន្ទាប់​ពី​បើក​ដំណើរការ​បី​បួន​ខែ​រួច​មក​ចំនួន​ភ្ញៀវ​ចូល​ផ្សារ​ទំនើប​នេះ​បាន​ធ្លាក់​ចុះ តែ​ពេល​នេះ​ចំនួន​ភ្ញៀវ​បាន​កើន​ទ្បើង​វិញ និង​ការ​ទិញ​ទំនិញ​នៅ​ផ្សារ​ទំនើប​នេះ​កើន​បន្តិច​ម្តងៗ​ផង​ដែរ។

លោក​បន្ត​ថា ភ្ញៀវ​ភាគ​ច្រើន​ចូល​ផ្សារ​ទំនើប​នេះ​គឺ​ពួកគេ​ចូល​ញុំា​អាហារ​មើល​កុន និង​លេង​ហ្គេម ចំណែក​ក្រុម ទី២ គឺ​ភ្ញៀវ​ប្រហែល​ពី ១០ ទៅ ២០ ភាគរយ​ពួកគេ​ទៅ​ទិញ​ទំនិញ ហើយ​ចំនួន​ភ្ញៀវ​ប្រភេទ​នេះ​កំពុង​កើន​ទ្បើង​បន្តិច​ម្តងៗ។

លោក​បន្ត​ថា៖ «AEON MALL ជា​ផ្សារ​សម្រាប់​ទីក្រុង​ដែល​អាច​ទាក់​ទាញ​អ្នក​វិនិយោគ​ថ្មីៗ​មក​បន្ថែម​ទៀត តែ​បើ​សិន​ជា​ផ្សារ​នេះ​ដំណើរ​ការ​មិន​ទទួល​បាន​ជោគជ័យ​វា​ជា​ការ​បាក់​មុខ​មាត់​យើង​ជា​ម្ចាស់​ប្រទេស​ផង​ដែរ»។

លោក​បន្ត​ថា៖ «អ្នក​វិនិយោគ​ដែល​មាន​បំណង​បើក​ផ្សារ​ថ្មីៗ​កុំ​ធ្វើ​ដូច​គេ និង​កុំ​ធ្វើ​អ្វី​គ្មាន​វិជ្ជាជីវៈ ព្រោះ​បើ​ធ្វើ​តាម​គ្នា​វា​នឹង​មាន​បញ្ហា ហើយ​យើង​នឹង​អង្គុយ​មើល​មុខ​គ្នា​ហើយ»។

លោក លូ ម៉េង ក៏​បាន​យល់​ស្រប​នឹង​ការ​លើក​ទ្បើង​របស់​លោក ប៊ុណ្ណា ដោយ​ជំរុញ​ឲ្យ​អ្នក​វិនិយោគ​លើ​ផ្សារ​ទំនើប​ថ្មីៗ​គឺ​ធ្វើ​ផ្សារ​លក់​ផលិតផល​តែ​មួយ​មុខ ដូច​នៅ​ស្រុក​គេ​គឺ​អាច​ដំណើរការ​ទៅ​បាន ព្រោះ​កម្ពុជា​មិន​ទាន់​មាន​ផ្សារ​បែប​នេះ​នៅ​ទ្បើយ​ទេ។

អ្នក​ស្រី អាន សុធីតា នាយិកា​រង​ជាន់​ខ្ពស់​នៃ​ក្រុម​ហ៊ុន CBRE Cambodia បាន​ថ្លែង​ថា ការ​មាន​ផ្សារ​ទំនើប​លំដាប់​អន្តរជាតិ​ពីរ​ឬ​បី​ទៀត​មិន​ជា​បញ្ហា​នោះ​ទេ ប្រសិន​ជា​ផ្សារ​ទាំង​នោះ​មាន​ទីតាំង​នៅ​ឆ្ងាយ​ពីគ្នា ព្រោះ​ទំហំ​ទីក្រុង​ភ្នំពេញ នា​ពេល​បច្ចុប្បន្ន​បាន​កើន​ទ្បើង​ដល់ ៦៧៨ គីទ្បូម៉ែត្រ​ក្រទ្បា​រួច​ទៅ​ហើយ។

អ្នក​ស្រី បន្ត​ថា ការ​មាន​ផ្សារ​ទំនើប​ធំៗ​ពីរ ឬ​បី​ទៀត​មិន​បញ្ហា​នោះ​ទេ តែ​បើ​មាន​ច្រើន​លើស​នេះ​ទៀត​គឺ​ការ​ផ្គត់​ផ្គង់​លើស​តម្រូវការ ហើយ​ខណៈ​អ្នក​ដើរ​ផ្សារ​បច្ចុប្បន្ន​នេះ​គឺ​ពួកគេ​ទៅ​ញ៉ាំ​អាហារ​លេង​កម្សាន្ត និង​មើល​ភាពយន្ត​ជាជាង​ទិញ​ទំនិញ​និង​សម្លៀក​បំពាក់។

អ្នក​ស្រី​បាន​ឲ្យ​ដឹង​ថា៖ «ខ្ញុំ​នៅ​តែ​មាន​សុទិដ្ឋិ​និយម​សម្រាប់​ផ្សារ​ទំនើប​លំដាប់​អន្តរជាតិ​ ដូចជា AEON ព្រោះ​យើង​ត្រូវ​ការ​ផ្សារ​បែប​នេះ​សម្រាប់​ទីក្រុង​របស់​យើង ហើយ​វា​ជួយ​ដល់​កំណើន​សេដ្ឋកិច្ច​ផង​ដែរ»។

អ្នក​ស្រី​បន្ត​ថា៖ «ផ្សារ​ទំនើប Parkson ដែល​មាន​ទីតាំង​នៅ​ក្បែរ​ខ្លោង​ទ្វារ​វត្ត​នាគវ័ន នឹង​បើក​ដំណើរការ​នៅ​ដើម ឆ្នាំ​២០១៦ និង​ទីតាំង​នៅ​ទល់​មុខ​ព្រលាន​យន្តហោះ​អន្តរជាតិ​ភ្នំពេញ​នឹង​បើក​នៅ ឆ្នាំ​២០១៧ ផង​ដែរ»។

ទោះ​បី​ជា​យ៉ាង​ណា​ក៏​ដោយ ក៏​អ្នកស្រី​បាន​ព្រមាន​ថា ផ្សារ​ទំនើប​តូចៗ​ដែល​លក់​ផលិត​ផល​គ្មាន​ស្តង់ដារ​ច្បាស់​លាស់​ពួកគេ​មិន​អាច​នៅ​តែ​ធ្វើ​បែប​នេះ​តទៅ​ទៀត​នោះ​ទេ។ ពួក​គេ​ត្រូវ​តែ​ធ្វើ​ឲ្យ​ប្រសើរ​ជាង​នេះ​លើ​គុណភាព ការ​រចនា និង​ការ​គ្រប់គ្រង បើ​ពុំ​ដូច្នេះ​ទេ​ចំណូល​របស់​ពួកគាត់​នឹង​ធ្លាក់​ចុះ និង​អត្រា​ជួល​តូប​របស់​ពួកគេ​នឹង​ធ្លាក់​ចុះ​ដែល​ធ្វើ​ឲ្យ​ផ្សារ​របស់​ពួកគេ​ប្រឈម​មុខ​នឹង​ការ​ដួល​រលំ​នាពេល​អនាគត។

ជាក់ស្តែង​ផ្សារ​ទំនើប YOUNG COMMERCIAL ដែល​ស្ថិត​នៅ​តាម​បណ្តោយ​ផ្លូវ​ជាតិ​លេខ ៦ នា​តំបន់​ជ្រោយចង្វារ​បាន​បិទ​ទ្វារ​រួច​ទៅ​ហើយ និង ​ផ្សារ​ទំនើប​វៀតណាម​ស្ថិត​នៅ​តាម​បណ្តោយ​មហាវិថី​ព្រះមុនីវង្ស​បាន​បិទ​ទ្វារ​ផង​ដែរ។

លោក ជី សាំង នាយក​ប្រតិបត្តិ​ផ្សារ​ទំនើប​រតនា​ផ្លាហ្សា បាន​ថ្លែង​ថា បច្ចុប្បន្ន​ផ្សារ​ទំនើប​រតនា​ផ្លាហ្សា បាន​ដំណើរ​ការ​ល្អ​ជាង​មុន ដោយ​សារ​មាន​សណ្ឋាគារ​លំដាប់​ផ្កាយ​បួន​នៅ​ពីលើ​ផ្សារ​នេះ ហើយ​ផ្សារ​នេះ​បាន​ដំណើរការ​រយៈ​ពេល​បី​បួន​ឆ្នាំ​មក​ហើយ​ ដូច្នេះ​ការ​បើក​ដំណើរការ​របស់​ផ្សារ​ទំនើប AEON មិន​មាន​ផល​ប៉ះពាល់​នោះ​ទេ។

លោក​បន្ត​ថា អត្រា​ជួល​តូប​ក្នុង​ផ្សារ​មាន​ការ​ប្រែ​ប្រួល​ដោយ​មាន​អ្នក​ចេញ​និង​អ្នក​ជួល​ថ្មី​ផ្លាស់​ប្តូរ​គ្នា​ជា​បន្ត​បន្ទាប់ តែ​ទោះ​ជា​យ៉ាង​ណា​លោក​មិន​បញ្ជាក់​ឲ្យ​ដឹង​ពី​អត្រា​ប្រើប្រាស់​ផ្សារ​នេះ​មាន​ប៉ុន្មាន​ភាគរយ​និង​ចំនួន​អតិថិជន​មាន​ច្រើន​កម្រិត​ណា​នោះ​ទេ​។

លោក​ទទួល​ស្គាល់​ថា អ្នក​ដើរ​ផ្សារ​ពី ៧០ ទៅ ៨០ ភាគរយ​គឺ​ពួកគេ​និយម​ដើរ​កម្សាន្ត និង​ញ៉ាំ​អាហារ​ជាជាង​ទិញ​ទំនិញ​សម្រាប់​យក​ទៅ​ប្រើ​ប្រាស់។

លោក​បន្ត​ថា៖ «ខ្ញុំ​គិត​ថា ចំនួន​ផ្សារ​ទំនើប​នៅ​ក្រុង​ភ្នំពេញ​ប៉ុណ្ណឹង​គ្រប់​គ្រាន់​ហើយ ព្រោះ​ចំនួន​ប្រជាជន​នៅ​រាជធានី​ភ្នំពេញ​មិន​កើន​ទ្បើង​នោះ​ទេ​គឺ​មាន​រង្វង់ ២ លាន​នាក់​ប៉ុណ្ណោះ ហើយ​ពួក​គេ​មិន​ទាន់​មាន​ភាព​ផុសផុល​ដូច​ប្រជាជន​ថៃ​នៅ​ទ្បើយ​ទេ»។ លោក​បន្ត​ថា៖ «បើ​ផ្សារ​ទំនើប​កើន​ច្រើន​ថែម​ទៀត​វា​នឹង​ធ្វើ​ឲ្យ​មាន​ផល​ប៉ះ​ពាល់​ទាំង​អស់​គ្នា»។

អ្នក​បម្រើការ​ម្នាក់​ក្នុង​ផ្សារ​ទំនើប​សុវណ្ណា មាន​រយៈ​ពេល ៨ ឆ្នាំ​ដែល​សុំ​មិន​បញ្ចេញ​ឈ្មោះ​បាន​និយាយ​ថា កាល​ពីមុន​មាន​អតិថិជន​ច្រើន​បាន​ចូល​មក​ផ្សារ​ទំនើប​សុវណ្ណា ប៉ុន្តែ​ចាប់​តាំងពី​មាន​អវត្តមាន​ផ្សារ​ធំៗ​មក ចំនួន​អតិថិជន​ដែល​មក​ផ្សារ​ទំនើប​នេះ​មាន​ការ​ឆ្លាក់​ចុះ។

អ្នក​បម្រើការ​រូប​នេះ​បាន​ឲ្យ​ដឹង​ទៀត​ថា៖ «នៅ​ពេល​ដែល​មាន​អ្វី​ថ្មី​ប្លែក មនុស្ស​តែង​តែ​ចង់​ដឹង ចង់​ឃើញ ពិសេស​ដូច​ជា​ផ្សារ​ទំនើប AEON Mall ជាដើម។ នេះ​គឺជា​ហេតុ​ផល​ដែល​ធើ្វ​ឲ្យ​ចំនួន​អតិថិជន​របស់​យើង​មាន​ការ​ធ្លាក់​ចុះ»៕

Source of postkhmer.com

05-05-2015

ប្លង់​គោល​របស់​រាជធានី​ភ្នំពេញ​ត្រូវ​បាន​ពង្រីក​វិសាលភាព​រហូត​ដល់​ឆ្នាំ​ ២០៣៥

ភ្នំពេញ: សេចក្តី​ព្រាង​ប្លង់គោល​សម្រាប់​រៀបចំ​ផែនការ​អភិវឌ្ឍន៍​រាជធានី​ភ្នំពេញ ត្រូវ​បាន​ពង្រីក​វិសាលភាព​រហូត​ដល់​ឆ្នាំ​ ២០៣៥ ខណៈ​សេចក្តី​ព្រាង​ប្លង់គោល​នេះ​នា​ពេល​ដំបូង​ គឺ​កំណត់​ត្រឹមតែ​ឆ្នាំ​ ២០២០​ ប៉ុណ្ណោះ។

លោក ឡុង ឌីម៉ង់ អ្នក​នាំពាក្យ​សាលា​រាជធានី​ភ្នំពេញ បាន​ប្រាប់ ប៉ុស្តិ៍ អចលនទ្រព្យ កាលពី​ថ្ងៃ​អង្គារ​ថា ប្លង់គោល​ត្រូវ​បាន​រៀបចំ​ផែនការ​ជា​លើកដំបូង គឺ​សម្រាប់​ចន្លោះ​ពី​ឆ្នាំ​ ២០០៥ ​ដល់​ឆ្នាំ​ ២០២០ ប៉ុន្តែ​ពេលនេះ​ក្រុម​មន្រ្តី​ជំនាញ​បាន​ធ្វើ​បច្ចុប្បន្ន​ភាព​ដោយ​ពង្រីក​វិសាលភាព​រហូត​ដល់​ឆ្នាំ​ ២០៣៥ ។ បច្ចុប្បន្ន​ ប្លង់​គោល​នេះ​មិន​ទាន់​ទទួល​បាន​ការអនុម័ត និង​ឆ្លង​កិច្ចប្រជុំ​គណៈរដ្ឋមន្រ្តី​នៅ​ឡើយ​ទេ តែ​រំពឹង​ថា ប្លង់គោល​នេះ​នឹង​ត្រូវ​ដាក់​ឆ្លង​ទៅ​គណៈរដ្ឋមន្រ្តី​នៅក្នុង​ឆ្នាំ​ ២០១៥ ​នេះ។

លោក​បាន​បន្ត​ថា បច្ចុប្បន្ន​នេះ​ក្រុម​មន្រ្តី​ជំនាញ​កំពុង​រៀបចំ​ប្រជុំ​អន្តរក្រសួង​ជា​មុន​សិន​ មុន​នឹង​បញ្ជូន​ទៅ​ទីស្តីការ​គណៈរដ្ឋមន្រ្តី ហើយ​ការអនុម័ត​នៅពេល​ណា​នោះ​លោក​មិន​អាច​បញ្ជាក់​បាន​ទេ។

លោក​មាន​ប្រសាសន៍​ថា៖ ​«ការរៀបចំ​ប្លង់​គោល​មិនមែន​ជា​ការត្រៀម​ពង្រីក​រាជធានី​ភ្នំពេញ​នោះ​ទេ តែ​ការរៀបចំ​ប្លង់គោល​នេះ គឺ​ដើម្បី​សិក្សា​ពី​កំណើន​ប្រជាសាស្រ្ត និង​កំណើន​សេដ្ឋកិច្ច​ថា​មាន​សភាព​យ៉ាង​ដូចម្តេច​ងាយស្រួល​ឲ្យ​​​យើង​រៀបចំ​ផែនការ​គ្រប់គ្រង​ទីក្រុង​ឲ្យ​បាន​ល្អ​ប្រសើរ​នា​ពេល​អនាគត​»។

លោក ឌីម៉ង់ បាន​ប្រាប់​​ទៀត​​ថា ពី​ដំបូង​ការរៀបចំ​ប្លង់គោល​ទីក្រុង​មាន​ការជួយ​ជ្រោមជ្រែង​ពី​ក្រុម​ការងារ​ជំនាញ​មកពី​ទីក្រុង​ប៉ារីស ប្រទេស​បារាំង។ ចំណែក​ការ​ធ្វើ​បច្ចុប្បន្នភាព​ចាប់ពី​ឆ្នាំ​ ២០២០ ​ទៅ​ដល់​ឆ្នាំ​ ២០៣៥ រៀបចំ​ដោយ​ក្រុម​ការងារ​បច្ចេកទេស​របស់​ក្រសួង​រៀបចំ​​ដែនដី នគរូបនីយកម្ម និង​សំណង់ សហការ​ជាមួយ​ក្រុម​មន្រ្តី​ជំនាញ​របស់​សាលា​រាជធានី​ភ្នំពេញ​​។

លោក​បាន​បន្ត​ថា គោលដៅ​នៃ​ការរៀបចំ​ប្លង់មេ​នេះ គឺជា​ការរៀបចំ​ផែនការ​គ្រប់គ្រង​ទីក្រុង កំណត់​តំបន់​នីមួយៗ​ថា​ គួរ​រៀបចំ​បែប​ណា កំណត់​ទំហំ​ផ្លូវ​នៅ​តាម​តំបន់​នីមួយ​ៗ និង​ត្រូវ​ពង្រីក​យ៉ាង​ដូចម្តេច។ តែ​ទោះបី​ជា​យ៉ាងណា​​​ផែនការ​រៀបចំ​ទីក្រុង​លម្អិត​បែប​ណា នោះ លោក​មិន​អាច​បញ្ជាក់​ឲ្យ​ដឹង​នោះ​ទេ​ ដោយសារ​ប្លង់គោល​មិន​ទាន់​ទទួល​បាន​ការអនុម័ត​នៅ​ឡើយ​។

លោក ម៉េង ប៊ុណ្ណារិទ្ធ អ្នកនាំពាក្យ​ក្រសួង​រៀបចំ​ដែនដី នគរូបនីយកម្ម និង​សំណង់ បាន​ថ្លែង​ថា ការរៀបចំ​ប្លង់គោល ពិតជា​បាន​ពង្រីក​វិសាលភាព​ពី​ឆ្នាំ​ ២០២០ ​ដល់​ឆ្នាំ​ ២០៣៥ ពិតប្រាកដ​មែន ដោយ​​បច្ចុប្បន្ន​នេះ​ក្រុម​ការងារ​កំពុង​រៀបចំ​បែបបទ និង​នីតិវិធី​ដាក់​ឆ្លង​គណៈរដ្ឋមន្រ្តី ព្រោះ​ក្រុម​មន្រ្តី​ជំនាញ​របស់​ក្រសួង​បាន​ធ្វើការ​ប្រជុំ​ផ្ទៃក្នុង​រួច​ហើយ។

លោក ប៊ុណ្ណារិទ្ធ បាន​ថ្លែង​ថា​៖ ​«​យើង​ព្យាករ​ពី​ផែនការ​ពង្រីក​ទីក្រុង​បន្ថែម​ទៀត នៅពេល​មាន​កំណើន​ប្រជាជន​កើនឡើង​ក្នុង​ទីក្រុង»។

ទោះបី​ជា​យ៉ាងណា​ លោក​មិន​បញ្ជាក់​ឲ្យ​ដឹង​ពី​ព័ត៌មាន​លម្អិត​នោះ​ទេ។

ប្លង់គោល​រាជធានី​ភ្នំពេញ​ស្ថិត​ក្រោម​សមត្ថកិច្ច​រៀបចំ​របស់​គណៈកម្មាធិការ​ថ្នាក់ជាតិ​រៀបចំ​ដែនដី នៃ​ក្រសួង​រៀបចំ​ដែនដី នគរូបនីយកម្ម និង​សំណង់។

លោក ប៉ែន សុផល រដ្ឋលេខាធិការ​ក្រសួង​រៀបចំ​ដែនដី នគរូបនីយកម្ម និង​សំណង់​ទទួល​បន្ទុក​ផ្ទាល់​លើ​ការងារ​ប្លងគោល​នេះ បាន​បដិសេធ​មិន​អត្ថាធិប្បាយ ដោយ​លោក​បាន​ជំរុញ​ឲ្យ​មក​ដាក់​លិខិត​ផ្លូវការ​មក​ក្រសួង ហើយ​ពេល​ថ្នាក់ដឹកនាំ​ក្រសួង​អនុញ្ញាត​ឲ្យ​លោក​និយាយ​ទើប​លោក​អាច​បកស្រាយ​ជូន​បាន៕

Source of postkhmer.com

20-04-2015

តម្លៃ​ដី​នៅ​កោះ Samui នឹង​កើន​ឡើង ១១.៨ ភាគរយ

តម្លៃ​ដី​នៅ​កោះ Koh Samui អាច​នឹង​កើន​ឡើង​ដល់ 11.8 ភាគរយ​នៅ​ឆ្នាំ​នេះ ហើយ​ដី​នៅ​មាត់​សមុទ្រ Chaweng ជា​ដី​ដែល​មាន​តម្លៃ​ខ្ពស់​បំផុត​ដោយ​តម្លៃ​វា​ប្រហែល​ជា 120 លាន​បាត​ក្នុង​មួយ​រ៉ៃ។ នេះ​បើ​យោង Real Estate Affairs ភ្នាក់ងារ​អង្កេត​ស្ថានភាព​អចលន​ទ្រព្យ​ឯករាជ្យ។

ភ្នាក់ងារ​ខាង​លើ​តាម​ដាន​តម្លៃ​ដី​ក្នុង​តំបន់ Koh Samui ចាប់​តាំង​ពី ឆ្នាំ 2011 ហើយ​រក​ឃើញ​ថា ជា​មធ្យម​តម្លៃ​ដី​បាន​កើន​ឡើង​ប្រហែល​ជា 35 ភាគរយ​ក្នុង​រយៈ​បួន​ឆ្នាំ​កន្លង​មក​នេះ ប៉ុន្តែ ក្នុង​ចន្លោះ ឆ្នាំ​2011 និង 2012 បាន​កើន​ឡើង​ត្រឹម​តែ ២.៤ ភាគរយ ដោយសារ​សេដ្ឋកិច្ច​មាន​ការ​ធ្លាក់​ចុះ ខណៈ​តម្លៃ​ដី​បាន​ចាប់​ឡើង​ថ្លៃ​ម្តង​ទៀត​កាល​ពី ឆ្នាំ​២០១៣។

ក្រុម​ហ៊ុន​បាន​ទស្សន៍​ទាយ​ថា តម្លៃ​ដី​អាច​កើន​ឡើង ១១.៨ ភាគរយ​ក្នុង​ឆ្នាំ​នេះ ប៉ុន្តែ​ប្រហែល​ជា​មាន​ការ​ធ្លាក់​ចុះ​រយៈ​ខ្លី​បើ​យោង​តាម​ការ​ព្យាករ​ទុក ប្រសិន​បើ​កោះ​នេះ​បាន​ត្រូវ​រង​ការ​ប៉ះ​ពាល់​ដោយ​ការ​បំផ្ទុះ​គ្រាប់​សា​ជា​ថ្មី ។ រថយន្ត​ផ្ទុក​គ្រាប់​បែក​មួយ​គ្រឿង​បាន​បំផ្ទុះ​ចំ​កណ្តាល​ពិធី​បុណ្យ Samui កាល​ពី ថ្ងៃទី១០ ខែ​មេសា ដោយ​ធ្វើ​ឲ្យ​មនុស្ស ៧ នាក់​របួស។

ការ​ព្យាករ​ពី​ការ​កើន​ឡើង​នេះ​មិន​បាន​ផ្តោត​លើ​ទីតាំង​បំផ្ទុះ​គ្រាប់​បែក​នៅ​តំបន់​ផ្សារ​ក្បែរ​មាត់​សមុទ្រ Chaweng នោះ​ទេ​ដែល​បច្ចុប្បន្ន​ទីតាំង​កំពុង​ស្ថិត​នៅ​ក្រោម​ការ​ស៊ើប​អង្កេត។

លោក Sopon Pornchokchai ប្រធាន​ក្រុមហ៊ុន​មាន​ប្រសាសន៍​ថា ដី​ដែល​មាន​ទំហំ ៥ រ៉ៃ​នៅ​តាម​បណ្តោយ​ផ្លូវ​ក្បែរ​មាត់​សមុទ្រ​ក្នុង​តំបន់ Chaweng មាន​តម្លៃ​ជាង ៩ ពាន់​ដុល្លារ​ក្នុង​មួយ​ម៉ែត្រ​ការ៉េ។ កាល​ពី ឆ្នាំ​២០១១ តម្លៃ​ដី​គឺ​ត្រឹម​តែ​ជាង ២.៤ លាន​ដុល្លារ​លើ​ទំហំ​ដី ១.៦ ពាន់​ម៉ែត្រ​ការ៉េ​ប៉ុណ្ណោះ។

ទោះ​បី​យ៉ាង​ណា​ក៏​ដោយ នាយកដ្ឋាន​ដីធ្លី នៅ​តែ​វាយតម្លៃ​ដី​នៅ​តាម មាត់​សមុទ្រ​ក្នុង​តម្លៃ​ត្រឹម​តែ ១២ ម៉ឺន​ដុល្លារ លើ​ទំហំ ១.៦ ពាន់​ម៉ែត្រ​ការ៉េ។

ដី​ដែល​មាន​តម្លៃ​ខ្ពស់ ទី២ នៅ​តំបន់​កោះ Koh Samui គឹ​នៅ​ជុំវិញ​មាត់​សមុទ្រ Lamai ដែល​មាន​តម្លៃ ប្រហែល​ជា ២.១ លាន​ដុល្លារ​លើ​ទំហំ​ដី ១.៦ ម៉ែត្រ​ការ៉េ ហើយ​តម្លៃ​ដី​ប្រហែល​ជា ៧៦ ម៉ឺន​ដុល្លារ​លើ​ទំហំ​ដី ១.៦ ពាន់​ម៉ែត្រ​ការ៉េ នៅ​តាម​បណ្តោយ​មាត់​សមុទ្រ Bo Phud , Chueng Mon និង Mae Nam ។

ដី​ដែល​មាន​តម្លៃ​ទាប​បំផុត​គឹ​ប្រហែល​ជា ៤.៥ ម៉ឺន​ដុល្លារ​លើ​ទំហំ​ដី ១.៦ ពាន់​ម៉ែត្រ​ការ៉េ​នៅ​តាម​មាត់​សមុទ្រ​ដូចជា​មាត់​សមុទ្រ Bang Kao , Pangka និង Taling Ngam ប៉ុន្តែ​ដី​ដែល​នៅ​ទំនេរ​នៅ​តាម​មាត់​សមុទ្រ​ទាំង​នោះ​គឺ​ពិបាក​រក​ទិញ៕

 Source of postkhmer.com

05-05-2015

Acclaimed Asia Property Awards to debut in Cambodia

Undoubtedly home to one of Southeast Asia’s most exciting and rapidly evolving property markets, Cambodia is set to receive the region’s real estate industry seal of approval when it becomes the latest country to be included in the coveted, decade-old Asia Property Awards series.

The Cambodia Property Awards 2015, due to be held 25 September, will recognise and reward the achievements of the country’s most successful, dynamic and innovative developers and developments across the residential and commercial sectors, as well as introducing the market to a wider regional audience of affluent investors and major industry players.

“Although Cambodia is a comparatively small market, it is quickly emerging and is definitely deserving of the recognition it will receive,” said Terry Blackburn, CEO of Ensign Media, event organiser and publisher of Property Report. “Competing here will also give the winners of the big awards the opportunity to compete in South East Asia Property Awards grand finale in Singapore in October.”

The inaugural Cambodia Property Awards is set to include 13 categories, which will be divided into three main clusters, namely Developer, Development and Design. As is the case with all the Awards, successful entries — nominated by the public and industry peers — will be assessed by an independent panel of highly-experienced judges who shall conduct thorough site inspections of all shortlisted properties before the final decisions are made.

Developer

Best Developer

Special Recognition in Corporate Social Responsibility

Development

Best Residential Development

Best Resort Development

Best Hotel Development

Best Office Development

Best Retail Development

Best Green Development

Best Commercial Development

Design

Best Residential Architectural Design

Best Resort Architectural Design

Best Hotel Architectural Design

Best Retail Architectural Design

 

A special award – the Property Report Editor’s Choice for Real Estate Personality of the Year – will be in recognition of the person with the most significant contribution to Cambodia’s property industry in the past year, and is the only one not chosen by the independent panel of judges.

Free, fair and transparent, the Asia Property Awards series is widely recognised as ASEAN’s  most prestigious and premier real estate awards and has been rewarding excellence in Thailand, Singapore, the Philippines, Malaysia, Indonesia, Myanmar, Vietnam and China since 2005. With the addition of Cambodia, the awards series continues to uphold its goal of shining a light on Asian real estate’s established and emerging markets.

Details on how to enter, category criteria and sponsorship opportunities will shortly be announced. You can keep up to date with the Cambodia Property Awards 2015 and other Asia Property Awards events atasiapropertyawards.com.

Source of property-report.com

20-04-2015

This company has chosen Bangkok for its swanky new design centre

Cachet Hotel Group (CHG), a new Hong Kong-based hotel development and management company, has recently announced the opening of its new office in Bangkok, which will also act as the headquarters for its Global Design Centre.

Alexander Mirza, the CEO and President of CHG, is enthusiastic about the imminent office opening and what it means for the company’s footprint in the region, saying, “our new South East Asian office underscores our commitment to this region,” according to Pattaya Mail.

CHG’s commitment is undisputed: the unveiling of the global design centre comes in the wake of the continuing development of the CACHET hotel and residences – a boutique luxury offering by CHG due for completion in late 2016. Located in Smile Square, a mixed-use development in Phloenchit, CHG will find itself in the heart of Bangkok and Southeast Asia.

More: Country Group partners with Four Seasons Hotel and Resorts in Bangkok

Additionally, two distinguished new appointments accompany the news of the Bangkok office opening: firstly, Aaron Griffiths will be the new President of South East Asia Operations and secondly, Liming Rao has been named as the Managing Director of Design for the company.

Griffiths brings with him over 20 years of experience in the hospitality sector, according to PR Newswire, as he oversees the construction of the CACHET hotel development together with a number of other potential developments including hotels and resorts. Rao is equally qualified, boasting over 15 years of experience in hospitality design with a focus on boutique luxury.

More: Bangkok’s latest luxury landmark

Creative collaboration will be a key aspect to the global design centre. CHG have their own in-house designer, celebrity chef and nightlife management company on hand to provide specialist technical insight and delivery of the company’s development activities. Working with such an experienced and specialist team should ensure CHG’s unveiling as a hotel developer on the rise.

Source of property-report.com

20-04-2015

MFI ប្រុងប្រយ័ត្ន​ក្នុង​ការ​ផ្តល់​កម្ចី​នៅ​ដើម​ឆ្នាំ​២០១៥

ភ្នំពេញៈ​ ការ​ព្រមាន​ចាត់​វិធានការ​ផ្លូវ​ច្បាប់​ពី​អាជ្ញាធរ​ហិរញ្ញវត្ថុ​កម្ពុជា​ទល់​នឹង​ការ​កើន​ឡើង​ចំនួន​ក្រុម​ផ្តល់​កម្ចី​គ្មាន​អាជ្ញា​ប័ណ្ណ​កាល​ពី​ដើម​ឆ្នាំ​បាន​ធ្វើ​ឲ្យ​គ្រឹះស្ថាន​មីក្រូ​ហិរញ្ញវត្ថុ​ផ្លូវ​ការ បង្កើន​ការ​ប្រុងប្រយ័ត្ន​ក្នុង​ការ​បញ្ចេញ​កម្ចី​នៅ​អំឡុង​ត្រី​មាស​ដំបូង​ឆ្នាំ​នេះ​។​ នេះ​បើ​តាម​ការ​បញ្ជាក់​ពី​តំណាង​គ្រឹះស្ថាន​មីក្រូ​ហិរញ្ញវត្ថុ​ធំៗ។

វិធានការ​របស់​អាជ្ញាធរ​អាច​ធ្វើ​ឲ្យ​ចំនួន​ក្រុម​អ្នក​ផ្តល់​កម្ចី​គ្មាន​អាជ្ញា​ប័ណ្ណ​ថយ​ចុះ​ ហើយ​ការ​បញ្ចេញ​កម្ចី​របស់​ពួក​គេ​ក៏​តិច​ជាង​មុន​ ដែល​កត្តា​នេះ​បាន​ធ្វើ​ឲ្យ​គ្រឹះស្ថាន​មីក្រូ​ហិរញ្ញវត្ថុ​មួយ​ចំនួន​បង្កើន​ការ​ប្រុងប្រយ័ត្ន​ជាង​មុន​ព្រោះ​វា​អាច​មាន​ឥទ្ធិពល​ដល់​លទ្ធភាព​សង​កម្ចី​ត្រឡប់​របស់​អតិថិជន។​

ការ​ផ្តល់​កម្ចី​ពី​ក្រុម​គ្មាន​អាជ្ញាប័ណ្ណ​គឺជា​កម្ចី​រយៈ​ពេល​ខ្លី​ដូច​ជាមួយ ឬ ពីរ ​សប្តាហ៍​ហើយ​មាន​អត្រាការ​ប្រាក់​ខ្ពស់ ដែល​ភាគ​ច្រើន​នៃ​អតិថិជន ទទួល​កម្ចី​ប្រភេទ​នេះ​គឺ​ដើម្បី​យក​ប្រាក់​ទៅ​សង​ត្រឡប់​ទៅ​ភាគី​ផ្សេង​ទៀត​ដែល​រួម​មាន​មីក្រូ​ហិរញ្ញវត្ថុ​មាន​អាជ្ញា​ប័ណ្ណ​ជាដើម។

លោក ស៊ឹម សេនាជាតិ អគ្គនាយក​គ្រឹះ​ស្ថាន​មីក្រូហិរញ្ញវត្ថុ​ប្រាសាក់​ បាន​ឲ្យ​ដឹង​ថា​នៅ​ត្រី​មាស​ទីមួយ​ឆ្នាំ ២០១៥ កំណើន​ប្រាក់​កម្ចី​ប្រចាំ​ត្រី​មាស​នៅ​ប្រាសាក់​មាន​ ១៣ ភាគរយ​គឺ​ទាប​ជាង​កាល​ពី​ពេល​មុនៗ​ដោយ​សារ​ការ​បញ្ចេញ​កម្ចី​ដោយ​ប្រុង​ប្រយ័ត្ន​ជាង​មុន​ជា​ផ្នែក​នៃ​ការ​ពង្រឹង​គុណភាព​កម្ចី​។​

គិត​មក​ទល់​ដំណាច់​ខែ​មីនា​ គ្រឹះស្ថាន​មីក្រូ​ហិរញ្ញវត្ថុ​ប្រាសាក់​បាន​ផ្តល់​កម្ចី​សរុប​ ៦៥៨ ​លាន​ដុល្លារ​ស្មើ​នឹង ​២៨,៧​ ភាគរយ​នៃ​ចំនួន​កម្ចី​សរុប​នៅ​ទីផ្សារ​មីក្រូ​ហិរញ្ញវត្ថុ​ទាំង​មូល ២ ២៩៣ ​លាន​ដុល្លារ។

លោក​ថ្លែង​ថា​៖ «យើង​មាន​ការ​ព្រួយបារម្ភ​ខ្លះៗ​ក្រែង​លោវា​មាន​ឥទ្ធិពល​អវិជ្ជមាន​ពី​ហ្នឹង​ អ៊ីចឹង​យើង​ត្រូវ​ពង្រឹង​ការ​ប្រុងប្រយ័ត្ន​ដើម្បី​ធ្វើ​វា​ឲ្យ​កាន់​តែ​ល្អ​ប្រសើរ ឬ​ក៏​ការពារ​កុំ​ឲ្យ​មាន​បញ្ហា»​។ លោក​បន្ត​ថា​៖ ​«​តែ​កន្លង​មក​យើង​ហាក់​ដូច​ជា​អត់​មាន​រង​ឥទ្ធិពល​អ្វី​ខ្លាំង​ពី​ក្រុម​ហ្នឹង ​[​អ្នក​ផ្តល់​កម្ចី​គ្មាន​អាជ្ញា​ប័ណ្ណ​] នៅ​ឡើយ​ទេ»។

កាល​ពី​ថ្ងៃ​ទី២ ​កុម្ភៈ​ ក្រសួង​សេដ្ឋកិច្ច ​និង​ហិរញ្ញវត្ថុ ​និង​ធនាគារ​ជាតិ​នៃ​កម្ពុជា​ បាន​ចេញ​សេចក្តី​ថ្លែងការណ៍​រួម​លើក​ឡើង​ពី​ក្តី​បារម្ភ​ទាក់ទង​នឹង​កំណើន​អង្គការ​មិន​មែន​រដ្ឋាភិបាល​ ឬ​សមាគម​ដែល​អះអាង​ថា ជា​ស្ថាប័ន​សប្បុរសធម៌ ហើយ​ប្រតិបត្តិការ​ឲ្យ​ខ្ចី​ប្រាក់​ដោយ​ចាត់​តាំង​ខ្លួន​ជា​គ្រឹះស្ថាន មីក្រូ​ហិរញ្ញវត្ថុ​ដើម្បី​បំភាន់​ការ​យល់​ដឹង​របស់​ប្រជាជន។

សេចក្តី​ថ្លែង​ការណ៍​ដដែល​បន្ត​ថា ​អង្គការ ​សមាគម​ ឬ​បុគ្គល​ទាំង​នោះ​ត្រូវ​បញ្ឈប់​សកម្មភាព​ខុស​ក្រម​សីលធម៌​ទាំង​នេះ ឬ​បើ​ពួក​គេ​ចង់​បន្ត​សកម្មភាព​ឲ្យ​ខ្ចី​ប្រាក់​ត្រូវ​តែ​ធ្វើ​ឡើង​ក្នុង​ក្របខ័ណ្ឌ​ច្បាប់​តាម​រយៈ​ការ​សុំ​អាជ្ញា​ប័ណ្ណ​ពី​និយតករ​ឲ្យ​បាន​ត្រឹម​ត្រូវ​ជា​មុន​សិន​ព្រោះ​ថា​សកម្មភាព​ឲ្យ​ខ្ចី​ប្រាក់​ពី​អ្នក​គ្មាន​អាជ្ញាប័ណ្ណ​តែង​មាន​ការ​ប្រាក់​ខ្ពស់​ និង​មាន​លក្ខណៈ​ជា​ការ​កេង​ប្រវ័ញ្ច ​ដែល​ធ្វើ​ឲ្យ​កូន​បំណុល​ធ្លាក់​ខ្លួន​កាន់​តែ​ជ្រៅ​ទៅ​ការ​ជំពាក់​បំណុល។

ភ្នំពេញប៉ុស្តិ៍​មិន​អាច​ទាក់​ទង​តំណាង​ធនាគារ​ជាតិ​នៃ​កម្ពុជា​ដើម្បី​បាន​ទិន្នន័យ​ទាក់​ទង​នឹង​ចំនួន​ស្ថាប័ន​ផ្តល់​កម្ចី​ដែល​ទើប​មក​សុំ​អាជ្ញា​ប័ណ្ណ​បន្ទាប់​ពី​មាន​ការ​ប្រកាស​ព្រមាន​កាល​ពី​ដើម​ឆ្នាំ​ទេ កាល​ពី​ម្សិលមិញ។

លោក​ ម៉ី វ៉ាន់ ប្រធាន​នាយកដ្ឋាន​ឧស្សាហកម្ម ​និង​ហិរញ្ញវត្ថុ​នៃ​ក្រសួង​សេដ្ឋកិច្ច និង​ហិរញ្ញវត្ថុ​បាន​ប្រាប់ ភ្នំពេញ​ប៉ុស្តិ៍​ថា អង្គការ ​ឬ​សមាគម​ដែល​មិន​មាន​អាជ្ញាប័ណ្ណ​មួយ​ចំនួន​បាន​ចូល​មក​ចុះ​បញ្ជី​ដើម្បី​ក្លាយ​ជា​ស្ថាប័ន​ផ្លូវ​ការ​ តែ​លោក​មិន​ទាន់​អាច​បញ្ជាក់​ពី​ចំនួន​ជាក់​ស្តែង​បាន​នៅ​ឡើយ​ទេ។

លោក​បន្ត​ថា​៖​ «​អាជ្ញាធរ​មូលដ្ឋាន​គេ​ដឹង​ច្រើន​ហើយ​ឥឡូវ​។ ​កាល​ពី​មុន​គេ​ឮ​តែ​អង្គការៗ គេ​អត់​សួរ​នាំ​អី​ តែ​ពេល​នេះ អាជ្ញាធរ​នឹង​មិន​បណ្តោយ​ទៀត​ទេ​បើ​គាត់​អត់​ច្បាប់»។

លោក​ ហួត​ អៀង​តុង អគ្គនាយក​គ្រឹះស្ថាន​មីក្រូ​ហិរញ្ញវត្ថុ​ ហត្ថាកសិករ ​បាន​សាទរ​ចំពោះ​វិធានការ​របស់​អាជ្ញាធរ​ ហើយ​រំពឹង​ថា​ការ​ធ្វើ​បែប​នេះ​នឹង​ធ្វើ​ឲ្យ​ទីផ្សារ​មីក្រូ​ហិរញ្ញវត្ថុ​ដំណើរ​ការ​បាន​ល្អ ហើយ​ប្រតិបត្តិករ​ទាំង​ឡាយ​នឹង​ស្ថិត​ក្រោម​ប្រព័ន្ធ​ច្បាប់។

លោក​បាន​ថ្លែង​ទៀត​ថា​៖ ​«​យើង​ចេញ​កម្ចី​របស់​យើង​ប្រកប​ដោយ​វិជ្ជាជីវៈ និង​មាន​ការ​ប្រុងប្រយ័ត្ន​តាំង​ពី​ដើម​រៀង​មក ដូច្នេះ​ការ​អនុវត្ត​វិធាន​របស់​ធនាគារ​ជាតិ​មិន​ប៉ះ​ពាល់​អី​ដល់​យើង​ទេ​»។

លោក​បន្ត​ថា ដំណើរ​ការ​ផ្តល់​កម្ចី​នៅ​ត្រី​មាស​ទីមួយ​នេះ​គឺ​បាន​ល្អ ហើយ​រំពឹង​ថា​នឹង​បន្ត​ល្អ​រហូត​ដល់​ចុង​ឆ្នាំ​ដោយ​ទំហំ​ប្រាក់​កម្ចី​នឹង​អាច​កើន​ដល់ ៣៨០​លាន​ដុល្លារ​នៅ​ត្រឹម​ដំណាច់​ឆ្នាំ​២០១៥៕

Source of postkhmer.com

05-05-2015

អត្រា​ភាព​ក្រីក្រ​ក្នុង​ប្រទេស​កម្ពុជា​នៅ​តែ​បន្ត​ធ្លាក់​ចុះ

ភ្នំពេញៈ ​ធនាគារ​ពិភពលោក​កាល​ពី​សប្ដាហ៍​មុន​បាន​ឲ្យ​ដឹង​ថា កម្ពុជា​ទំនង​ជា​នឹង​ក្លាយ​ជា​ប្រទេស​មាន​ចំណូល​កណ្ដាល​ទាប​ជា​បណ្ដើរៗ​ក្នុង​ឆ្នាំ ២០១៥ ដោយ​សារ​ការ​កាត់​បន្ថយ​ភាព​ក្រីក្រ​ កំណើន​សេដ្ឋកិច្ច​ថេរ និង​ការ​កាត់​បន្ថយ​លើ​វិសមភាព​រវាង​អ្នក​មាន​ និង​អ្នក​ក្រ។

ធនាគារ​បាន​បង្ហាញ​របាយការណ៍​បច្ចុប្បន្ន​ភាព​សេដ្ឋកិច្ច​កម្ពុជា​កាល​ពី​សប្ដាហ៍​មុន​ និង​បាន​ព្យាករ​កំណើន​មក​នៅ​ត្រឹម ៦,៩ ភាគ​រយ​ ធៀប​នឹង ៧,៣ ភាគរយ​ដែល​បាន​ព្យាករ​ដោយ​ធនាគារ​អភិវឌ្ឍន៍​អាស៊ី។

កសិកម្ម ដែល​វិស័យ​ជំរុញ​មួយ​ក្នុង​ចំណោម​វិស័យ​ជំរុញ​កំណើន​សេដ្ឋកិច្ច​ដ៏​សំខាន់​ជា​ច្រើន​របស់​កម្ពុជា នៅ​តែ​ជា​ការ​បារម្ភ​ដ៏​ធំ​សម្រាប់​ធនាគារ​ពិភពលោក ដោយ​សារ​ការ​ធ្លាក់​ចុះ​នៅ​ក្នុង​វិស័យ​នេះ​នឹង​ជះ​ឥទ្ធិពល​លើ​កិច្ច​ខិតខំ​ប្រឹង​ប្រែង​កាត់​បន្ថយ​ភាព​ក្រីក្រ។

លោក Enrique Aldaz-Carroll ​សេដ្ឋ​វិទូ​ជាន់​ខ្ពស់​ប្រចាំ​ប្រទេស​នៅ​ធនាគារ​ពិភពលោក​ថ្លែង​ថា​៖ «វិស័យ​កសិកម្ម​បាន​បន្ថយ​ល្បឿន​។ វិស័យ​ជំរុញ​សេដ្ឋកិច្ច​នេះ​មាន​ដំណើរ​ការ​យឺត ហើយ​មូលហេតុ​គឺ​ទិន្នផល​ទាប និង​តម្លៃ​ស្រូវ​ទាប​»។

លោក​បន្ត​ថា ប្រជា​ពលរដ្ឋ​ក្រីក្រ​ភាគ​ច្រើន​នៅ​កម្ពុជា​រស់នៅ​ក្នុង​តំបន់​ជន​បទ​ប្រហែល ៨០ ភាគរយ ហើយ​ការ​បន្ថយ​ល្បឿន​ក្នុង​កំណើន​កសិកម្ម​នឹង​ប៉ះពាល់​ដល់​កិច្ច​ខិតខំ​ប្រឹង​ប្រែង​កំណើន​គាំទ្រ​អ្នក​ក្រ​របស់​រដ្ឋាភិបាល។

លោក​បន្ថែម​ថា ប្រជាជន ៤០ ភាគរយ​នៅ​ក្រោម​ប្រាក់​ចំណូល​ទាប​បាន​រួម​ចំណែក ២៣ ភាគរយ​នៅ​ក្នុង​ការ​ប្រើប្រាស់​របស់​ប្រទេស​នេះ​កាល​ពី​ឆ្នាំ ២០១២ ដែល​កើន​ឡើង ៤ ភាគរយ​ធៀប​នឹង​ឆ្នាំ ២០០៧ ដែល​កំពុង​បង្ហាញ​ពីការ​កើន​ឡើង​ក្នុង​ការ​ចែក​រំលែក​ភាព​រីក​ចម្រើន។

ប្រទេស​មាន​ប្រាក់​ចំណូល​កណ្ដាល​ទាប​មាន GDP ក្នុង​មនុស្ស​ម្នាក់​ជាង ១ ០៤៥​ ដុល្លារ​អាមេរិក និង​តិច​ជាង ៤១២៥ ដុល្លារ​អាមេរិក​។ លោក Aldaz Carroll បញ្ជាក់​ថា ប្រទេស​កម្ពុជា​នឹង​ទទួល​បាន GDP ក្នុង​មនុស្ស​ម្នាក់​ចំនួន ១០៩៦ ដុល្លារ​អាមេរិក​នៅ​ឆ្នាំ ២០១៥ និង ២ ៥៨៩​ដុល្លារ​អាមេរិក​នៅ​ឆ្នាំ ២០៣០ ដែល​នឹង​ជិត​ស្មើ​នឹង​ប្រទេស​ហ្វីលីពីន និង​ឥណ្ឌូនេស៊ី។

របាយការណ៍​បាន​បង្ហាញ​ថា​អត្រាភាព​ក្រីក្រ​បាន​បន្ត​ធ្លាក់​ចុះ​រហូត​ដល់​ឆ្នាំ ២០១២ ទោះ​បីជា​ល្បឿន​បាន​ចុះ​ថយ​នៅ​ក្នុង​រយៈ​ពេល​ពីរ​បី​ឆ្នាំ​ចុង​ក្រោយ​នេះ​ក៏​ដោយ​។ ​យោង​តាម​តួ​លេខ​ចុង​ក្រោយ​របស់​ធនាគារ​ពិភពលោក​ អត្រា​ភាព​ក្រីក្រ​មាន​ចំនួន ១៧,៧ ភាគរយ​កាល​ពី​ឆ្នាំ ២០១២ ធៀប​នឹង ២៤​ ភាគរយ​ពី​ឆ្នាំ ២០០៩។

លោក ស្រី ចន្ធី អ្នក​វិភាគ​សេដ្ឋកិច្ច​ឯករាជ្យ​បាន​ថ្លែង​ថា​ដំណើរ​ការ​លើ​ការ​កាត់​បន្ថយ​ភាព​ក្រីក្រ​គឺ​ល្អ នៅ​ពេល​ធៀប​នឹង​ស្ដង់ដារ​អន្តរជាតិ​ ប៉ុន្តែ​កម្ពុជា​នៅ​មាន​ឱកាស​ដើម្បី​ធ្វើ​ឲ្យ​កាន់​តែ​ល្អ​ប្រសើរ​ជាង​នេះ​»​។

លោក ចន្ធី ថ្លែង​ថា​ ការ​ប៉ាន់​ប្រមាណ​កំណើន​របស់​ធនាគារ​ពិភពលោក​គឺ​នៅ​លើ​ផ្នែក​ទាប ​ហើយ​ការ​​ព្យាករ​ កំណើន​ពី ៧ ដល់ ៧,២៥ ភាគរយ ដោយ​សារ​តែ​ស្ថិរ​ភាព​ទាក់ទង​នឹង​នយោបាយ​របស់​ប្រទេស​នេះ​ តម្លៃ​ប្រេង​ពិភពលោក​ធ្លាក់​ចុះ និង​ភាព​ខ្លាំង​របស់​ដៃ​គូ​នាំ​ចេញ​សំខាន់ៗ​ភាគ​ច្រើន​។

លោក ម៉ី កល្យាណ​ ទី​ប្រឹក្សា​ជាន់​ខ្ពស់​នៅ​ឧត្តម​ក្រុម​ប្រឹក្សា​សេដ្ឋកិច្ច​ជាតិ បាន​ថ្លែង​ថា​ រដ្ឋាភិបាល​ចាំបាច់​ត្រូវ​បន្ត​ការ​កែ​លម្អ​វិស័យ​កសិកម្ម​ ដោយ​សារ​តែ​វិស័យ​នេះ​គឺជា​បញ្ហា​ដ៏​ស្មុគស្មាញ​មួយ​ជា​មួយ​នឹង​ការ​ប្រែប្រួល​ច្រើន​ដូច​ជា​ អាកាស​ធាតុ ​កម្លាំង​ពលកម្ម និង​បញ្ហា​ទឹក​។​

លោក​បន្ត​ថា​៖ «​គឺថា​ប្រជាជន​មិន​សូវ​យក​ចិត្ត​ទុក​ដាក់​លើ​វិស័យ [​កសិកម្ម​] ​ខ្លាំង​។ ​កសិកម្ម​គឺជា​ឧស្សាហកម្ម​ដ៏​ស្មុគស្មាញ​មួយ។

បើ​វា​មាន​គោលនយោបាយ​ត្រឹម​ត្រូវ​ ដែល​ឆ្លើយ​តប​នឹង​[​គោលនយោបាយ​នេះ​] ​នឹង​មាន​ភាព​ឆាប់​រហ័ស​»​។ លោក​បន្ត​ថា រដ្ឋាភិបាល​បាន​បែង​ចែក​ថវិកា​ដើម្បី​ចាប់​ផ្ដើម​ដំណើរ​ការ​គំនិត​ផ្តួច​ផ្ដើម​វិស័យ​កសិកម្ម ដែល​ទំនង​ជា​អាច​ធ្វើ​នៅ ២០១៦ ៕ PB

Source of postkmer.com

20-04-2015

កម្ពុជា​នឹង​ទទួល​បាន​កំណើន​សេដ្ឋកិច្ច​រឹងមាំ​នៅ​ឆ្នាំ​នេះ​និង​ឆ្នាំ​ក្រោយ

វ៉ាស៊ីនតោនៈ កម្ពុជា​នឹង​មាន​កំណើន​សេដ្ឋកិច្ច​ប្រកប​ដោយ​ភាព​រឹង​មាំ​នៅ​ឆ្នាំ​នេះ និង​ពីរ​បី​ឆ្នាំ​បន្ទាប់​ដោយ​សារ​ឥទ្ធិពល​នៃ​ការ​ងើប​ឡើង​វិញ​នៃ​សេដ្ឋកិច្ច​អាមេរិក​ និង​ការ​ធ្លាក់​ចុះ​គួរ​ឲ្យ​កត់​សម្គាល់​នៃ​តម្លៃ​ប្រេង​នៅ​លើ​ទីផ្សារ​អន្តរជាតិ។ នេះ​បើ​តាម​ការ​ព្យាករ​របស់​រូបិយវត្ថុ​អន្តរជាតិ IMF សម្រាប់​តំបន់​អាស៊ី​កាល​ពី​ថ្ងៃ​សុក្រ។

តំណាង​ IMF ប្រចាំ​តំបន់​អាស៊ី ប៉ាស៊ីហ្វិក​រំពឹង​ថា​កំណើន​សេដ្ឋកិច្ច​ល្អ​របស់​អាមេរិក នឹង​ជួយ​បង្កើន​ការ​នាំ​ចេញ​របស់​កម្ពុជា​ទៅ​ប្រទេស​មហា​អំណាច​ផ្នែក​សេដ្ឋកិច្ច​មួយ​នេះ ខណៈ​ការ​ធ្លាក់​ចុះ​តម្លៃ​ប្រេង​នឹង​ជួយ​បង្កើន​តម្រូវ​ការ​ក្នុង​ស្រុក​កាន់​តែ​ប្រសើរ​។ ​តែ​ទន្ទឹម​នេះ ​សេដ្ឋកិច្ច​កម្ពុជា ​ក៏​នឹង​ត្រូវ​ជួប​បញ្ហា​ប្រឈម​ខ្លះៗ​ផង​ដែរ​ដោយ​សារ​សេដ្ឋកិច្ច​ប្រទេស ​ចិន ​និង​បណ្តា​ប្រទេស​នៅ​ សហភាព​អឺរ៉ុប​ មាន​កំណើន​ទាប​ជាង​ការ​រំពឹង​ទុក​ដែល​អាច​ប៉ះពាល់​ដល់​លទ្ធភាព​នាំ​ចេញ​របស់​កម្ពុជា​ទៅ​ប្រទេស​ទាំង​នោះ។

លោក Markus Rodlauer ​នាយក​រង​របស់​ IMF ​ប្រចាំ​តំបន់​អាស៊ី ប៉ាស៊ីហ្វិក​ បាន​ប្រាប់ ​ភ្នំពេញ ​ប៉ុស្ដិ៍​ ថា ប្រទេស​កម្ពុជា​ត្រៀម​ខ្លួន​បាន​យ៉ាង​ល្អ​ក្នុង​ការ​ទទួល​យក​ផល​ប្រយោជន៍​ពី​និន្នាការ​ពិភពលោក ​និង​ក្នុង​តំបន់​ និង​ការ​ស្វែង​រក​ហានិភ័យ​ខាង​ក្រៅ​ដើម្បី​ជំរុញ​ឲ្យ​មាន​កំណើន​រួម​ប្រកប​ដោយ​និរន្តរភាព។

លោក​ថ្លែង​ថា​៖ «​ផ្នែក​វិជ្ជមាន តម្លៃ​ប្រេង​កាន់​តែ​ទាប​នឹង​ផ្ដល់​អត្ថ​ប្រយោជន៍​ដល់​ប្រទេស​កម្ពុជា​។ តម្លៃ​ប្រេង​ធ្លាក់​ចុះ​ខ្លាំង​នឹង​ជំរុញ​តម្រូវ​ការ​ក្នុង​ស្រុក​ និង​គួរ​តែ​មាន​ផល​ប៉ះពាល់​វិជ្ជមាន​លើ​កំណើន​។ ការ​ស្ទុះ​ងើប​ឡើង​វិញ​របស់​អាមេរិក​ជា​ការ​អភិវឌ្ឍ​វិជ្ជមាន ​ព្រោះ​វា​នឹង​ធ្វើ​ឲ្យ​ការ​នាំ​ចេញ​ផលិត​កម្ពុជា​កាន់​តែ​ច្រើន ​ដែល​ជួយ​គាំទ្រ​ដល់​កំណើន​ផង​ដែរ»។

កំណើន​សេដ្ឋកិច្ច​ពិភពលោក​ត្រូវ​បាន​ព្យាករ​ថា​មាន​ចំនួន ៣,៥ ភាគរយ​នៅ​ឆ្នាំ​នេះ និង ៣,៨ ភាគរយ​នៅ​ឆ្នាំ​ក្រោយ។ នេះ​បើ​យោង​របាយការណ៍​ចក្ខុ​វិស័យ​សេដ្ឋកិច្ច​ពិភពលោក (WEO) របស់ IMF ដែល​បាន​ចេញ​ផ្សាយ​កាល​ពីថ្ងៃ​ទី ១៥ ខែ​មេសា នៅ​ទីក្រុង​វ៉ាស៊ីនតោន។

អ្នក​ជំនាញ​បាន​ឲ្យ​ដឹង​ថា ខណៈ​សេដ្ឋកិច្ច​ពិភពលោក​ផ្លាស់​ប្តូរ​ត្រូវ​បាន​រួម​ចំណែក​ដោយ​កត្តា​ជាច្រើន ការ​ធ្លាក់​ចុះ​តម្លៃ​ប្រេង​ពិភពលោក​ ការ​ស្ទុះ​ងើប​ឡើង​វិញ​នៃ​សេដ្ឋកិច្ច​អាមេរិក និង​ដំណើរ​ការ​យឺត​ជាង​ការ​រំពឹង​ទុក​របស់​ប្រទេស​ ចិន​ និង​ អឺរ៉ុប​ គឺជា​ប្រធាន​បទ​ដ៏​សំខាន់​ដែល​អាច​ប៉ះពាល់​ដល់​សេដ្ឋកិច្ច​របស់​កម្ពុជា។

យោង​តាម​ WEO​ កំណើន​នៅ​ប្រទេស​អាមេរិក​នៅ​ឆ្នាំ​នេះ​ត្រូវ​បាន​គេ​ព្យាករ​ថា​នឹង​មាន​ចំនួន ៣,១ ភាគរយ​ ដោយ​រំពឹង​ទុក​ថា​ នឹង​មាន​ការងារ​កាន់​តែ​ច្រើន​ ហើយ​អាជីវកម្ម​អាច​ទទួល​បាន​ទំនុក​ចិត្ត​ពី​អតិថិជន​កាន់​តែ​ប្រសើរ​ជាង​មុន​។

អាមេរិក​គឺជា​ដៃ​គូ​ពាណិជ្ជកម្ម និង​ជា​ទីផ្សារ​នាំ​ចេញ​ឈាន​មុខ​គេ​របស់​ប្រទេស​កម្ពុជា។ ​ទិន្នន័យ​ពាណិជ្ជកម្ម​បាន​ពី​អាមេរិក​បង្ហាញ​ថា​ការ​នាំ​ចេញ​របស់​កម្ពុជា​ទៅ​កាន់​មហា​អំណាច​សេដ្ឋកិច្ច​ពិភពលោក​មាន​តម្លៃ ២,៨៤ ពាន់​លាន​ដុល្លារ​អាមេរិក​កាល​ពី​ឆ្នាំ ២០១២ ដែល​កើន​ឡើង​តិច​តួច​ធៀប​នឹង ២,៧៧ ពាន់​លាន​ដុល្លារ​អាមេរិក​ កាល​ពី​ឆ្នាំ ២០១៣។

យោង​តាម​សមាគម​រោង​ចក្រ​កាត់​ដេរ​នៅ​កម្ពុជា (GMAC) ខណៈ​ដែល​កម្ពុជា​បាន​នាំ​ចេញ​ផលិតផល​សម្លៀក​បំពាក់ ​និង​ស្បែក​ជើង​ទៅ​កាន់​ទីផ្សារ​អន្តរជាតិ​មាន​តម្លៃ​សរុប​ ៤,៥២ ពាន់​លាន​ដុល្លារ​អាមេរិក​កាល​ពី​ឆ្នាំ​មុន​ ការ​នាំ​ចេញ​ទៅ​កាន់​អាមេរិក​មាន​ចំនួន ១,៥៩​ពាន់​លាន​ដុល្លារ​អាមេរិក​ ដែល​មាន​ចំនួន ​៣៥ ភាគរយ​នៃ​ការ​នាំ​ចេញ​​សរុប​របស់​កម្ពុជា​។ ​យោង​តាម​ GMAC ​អា​មេរិក​នាំចូល​ស្បែក​ជើង ៥៦​​ លាន​ដុល្លារ​អាមេរិក​ពី​ប្រទេស​កម្ពុជា​កាល​ពី​ឆ្នាំ​មុន​។

ទោះ​បី​យ៉ាង​នេះ​ក្តី ប្រទេស​ចិន​​បាន​មើល​ឃើញ​​ការ​ធ្លាក់​ចុះ​​គួរ​ឲ្យ​កត់​សម្គាល់​ជាង​ការ​រំពឹង​ទុក​លើក​មុន។ អត្រា​កំណើន​របស់​ចិន​ត្រូវ​បាន​គេ​រំពឹង​​ថា​នឹង​បន្ត​ធ្លាក់​ចុះ​កាន់​តែ​ទាប​មក​នៅ​ត្រឹម ៦,៨ ភាគរយ​​នៅ​ក្នុង​ឆ្នាំ ២០១៥ និង ៦,៣ នៅ​ឆ្នាំ ២០១៦​។​

នៅ​ត្រី​មាស​ទី​១ ឆ្នាំ​នេះ​សេដ្ឋកិច្ច​របស់​ប្រទេស​ចិន​ បាន​កើន​ឡើង​នៅ​ក្នុង​ល្បឿន​យឺត​បំផុត​នៅ​ក្នុង​រយៈ​ពេល ៦ ឆ្នាំ​បន្ទាប់​ពី​ការ​សាង​សង់​ និង​ផលិតកម្ម​រោងចក្រ​មាន​ដំណើរ​ការ​យឺត​ដោយ​សារ​តែ​ប្រទេស​នេះ​ព្យាយាម​រៀបចំ​ឡើង​វិញ​នូវ​គំរូ​កំណើន​របស់​ខ្លួន។

កាល​ពីឆ្នាំ​មុន​ កម្ពុជា​នាំ​ចេញ​អង្ករ​សរុប​ ៤៨ ៩៨០​ តោន​ទៅ​កាន់​ប្រទេស​ចិន​ ដែល​មាន​ចំណែក ១២,៦៥ ​ភាគ​រយ​ក្នុង​ចំណោម​ការ​នាំ​ចេញ​ទាំងអស់​ និង​ធ្វើ​ឲ្យ​ប្រទេស​ចិន​កា្លយ​ជា​ប្រទេស​ឈាន​មុខ​គេ ទី​ ៣ ​នៃ​ទីផ្សារ​នាំ​ចេញ​អង្ករ​របស់​កម្ពុជា​បន្ទាប់​ពី​ប្រទេស​បារាំង​ និង​ប្រទេស​ប៉ូឡូញ​។ ភ្ញៀវ​ទេសចរ​ចិន​ជាប់​ចំណាត់​ថ្នាក់​កំពូល​ទី ២ ​ក្នុងចំ​ណោម​ភ្ញៀវ​ទេសចរ​បរទេស​មក​កាន់​ប្រទេស​កម្ពុជា​​ដែល​មាន​ សរុប​​ ៥០៧ ៨៦០​ នាក់​កាល​ពី​ឆ្នាំ​មុន​។

លោក Markus ​ថ្លែង​ថា ​កំណើន​យឺត​ជាង​ការ​រំពឹង​ទុក​នៅ​ក្នុង​ប្រទេស​ចិន​ដែល​ជា​ទីផ្សារ​ដ៏​សំខាន់​របស់​កម្ពុជា​សម្រាប់​​ទំនិញ​ប្រើ​ប្រាស់​ និង​ការ​ហូរ​ចូល​ភ្ញៀវ​ទេសចរ​បរទេស​អាច​ប៉ះ​ពាល់​ដល់​ប្រទេស​កម្ពុជា​។ ​

លោក​បញ្ជាក់​ថា​៖ «​ដំណើរ​ការ​យឺត​ខ្លាំង​ជាង​ការរំ​ពឹង​ទុក​នៅ​ក្នុង​កំណើន​របស់​ប្រទេស​ចិន​អាច​មាន​ផល​ប៉ះពាល់​ដែល​ធ្វើ​ឲ្យ​ចុះ​ថយ​ផ្នែក​ទេសចរណ៍ ជំនួយ​ឥត​សំណង ​និង​កម្ចី​របស់​ប្រទេស​កម្ពុជា​»​។​

លោក​បន្ថែម​ថា ​កំណើន​កាន់​តែ​យឺត​របស់​អឺរ៉ុប​អាច​ប៉ះពាល់​ដល់​ការ​នាំ​ចេញ​សម្លៀក​បំពាក់​កម្ពុជា​ដោយ​សារ​តែ​ប្រទេស​នេះ​ទទួល​បាន​ការ​អនុ​គ្រោះ​ទៅ​កាន់​ទីផ្សារ​អឺរ៉ុប។

លោក​បន្ត​ថា ​ផល​ប៉ះពាល់​ផ្ទាល់​ដោយ​សារ​វិបត្តិ​ហិរញ្ញវត្ថុ​ពិភពលោក​មាន​តិច​តួច​បំផុត​មក​លើ​កម្ពុជា​ដោយ​សារ​ការ​តភ្ជាប់​ដោយ​ផ្ទាល់​របស់​កម្ពុជា​ទៅ​ទីផ្សារ​មូលធន​អន្តរជាតិ​មាន​កម្រិត​ និង​លំហូរ​មូលធន​ភាគ​ច្រើន​ស្ថិត​ក្នុង​ប្រភេទ​នៃ​ការ​វិនិយោគ​ផ្ទាល់​ពី​បរទេស​ (FDI)​»​។ ​

លោក​បន្ត​ថា​៖ «​ប៉ុន្តែ​បើ​ការ​ប្រែ​ប្រួល​ហិរញ្ញវត្ថុ​ខាង​ក្រៅ​មាន​ផល​ប៉ះពាល់​ខ្លាំង​លើ​សេដ្ឋកិច្ច​ដែល​កំពុង​រីក​ចម្រើន​ក្នុង​តំបន់​ FDI និង​ទេសចរណ៍​អាច​នឹង​ត្រូវ​រង​ផល​​ប៉ះ​ពាល់​អវិជ្ជមាន​»។

ប៉ុន្តែ​កំណើន​កាន់តែ​យឺត​នៃ​សេដ្ឋកិច្ច​ចិន​មិន​គួរ​ជា​ការ​បារម្ភ​សម្រាប់​បណ្ដា​ប្រទេស​កំពុង​អភិវឌ្ឍន៍​នោះ​ទេ​។

លោក​ស្រី ​Christine ​Lagarde ​នាយក​គ្រប់​គ្រង​របស់​ IMF ​បាន​ថ្លែង​ថា​មាន​ទំនុក​ចិត្ត​ដ៏​រឹងមាំ​ក្នុង​ការ​បន្ត​​កំណើន​របស់​ចិន​ ពិត​ណាស់​មិន​ស្ថិត​ក្នុង​កម្រិត​ដែល​ប្រទេស​ចិន​ទទួល​បាន​កាល​ពី​ទសវត្សរ៍​មុន​នោះ​ទេ ប៉ុន្តែ​ជា​កំណើន​ដែល​មាន​លក្ខណៈ​ផ្សេងៗ​គ្នា។​

លោក​ស្រី​​លើក​ឡើង​ថា​៖ «​កំណើន​​ដែល​កាន់​តែ​មាន​គុណភាព​ កំណើន​ជាមួយ​នឹង​ការ​ធ្វើ​ចំណាក​ស្រុក​ចាប់​ពី​ការ​វិនិយោគ​ដល់​ការ​ប្រើ​ប្រាស់​​ដែល​ហាក់​ដូច​ជា​មាន​ការ​ប្រុង​ប្រយ័ត្ន​ខ្លាំង​ និង​បាន​គាំទ្រ​ដោយ​អាជ្ញាធរ​ ជា​មួយ​​ការ​បញ្ជាក់​ច្បាស់​ពី​ហានិភ័យ​លើ​វិស័យ​ជា​ច្រើន​ និង​ការ​ប្ដេជ្ញា​ចិត្ត​ក្នុង​ការ​ដោះ​ស្រាយ​ហានិភ័យ​ទាំង​នោះ​ និង​ទំនុក​ចិត្ត​ពី​កម្រិត​កំណើន​ដែល​មាន​ចំនួន​ប្រហែល ៧ ភាគ​រយ​ និង​អាច​ក្រោម​ចំនួន​នេះ​បន្តិច​ គឺជា​ការ​ពេញ​ចិត្ត​​ដោយ​សារ​តែ​ឋានៈ​នៃ​ការ​អភិវឌ្ឍ​ដែល​ប្រទេស​ចិន​បាន​ទទួល​នៅ​ពេល​នេះ​»​។

ដើម្បី​កាត់​បន្ថយ​ហានិភ័យ លោក​ Markus ​Rodlauer បាន​ផ្ដល់​អនុសាសន៍​ថា គោល​នយោបាយ​បញ្ហា​ប្រឈម​នៅ​ពេល​នេះ​គឺ​របៀប​ល្អ​បំផុត​ក្នុង​ការ​បង្កើន​ការ​ជម្នះ​ទប់ទល់​នឹង​វិបត្តិ​​ និង​ឥទ្ធិពល​និន្នាការ​ក្នុង​តំបន់​ ដែល​ត្រូវ​បាន​បំពេញ​ជាមួយ​នឹង​ការ​កែ​ទម្រង់​សេដ្ឋកិច្ច​ក្នុង​ស្រុក ក្នុង​ការ​នាំ​ទៅ​រក​កម្រិត​កាន់​តែ​ខ្ពស់​និង​​កំណើន​រួម​កាន់​តែ​ច្រើន​។ ​​

លោក​បន្ត​ថា​៖ «​អនុសាសន៍​របស់​ពួក​យើង​ផ្ដោត​លើ ការ​អនុវត្ត​ប្រកប​ដោយ​ប្រសិទ្ធភាព​នៃ​យុទ្ធសាស្ដ្រ​ប្រមូល​ប្រាក់​ចំណូល​ដែល​បាន​អនុម័ត​នា​ពេល​ថ្មីៗ និង​បន្ត​ការ​បង្រួប​បង្រួម​សារ​ពើ​ពន្ធ​ដើម្បី​បង្កើត​ឡើង​វិញ ការ​ការពារ​សុវត្ថិភាព​សារពើពន្ធ ការ​បង្កើត​ល្បឿន​សម្រាប់​ការ​ចំណាយ​លើ​តម្រូវ​ការ​ការ​អភិវឌ្ឍ​ជា​អាទិភាព​ ការ​ទប់​ទល់​នឹង​ហានិភ័យ​ម៉ាក្រូ​ហិរញ្ញវត្ថុ​ ការ​រក្សា​ស្ថិរភាព​វិស័យ​ហិរញ្ញវត្ថុ កំណែ​ទម្រង់​រចនា​សម្ព័ន្ធ​ដើម្បី​លើក​កម្ពស់​សមត្ថភាព​ប្រកួត​ប្រជែង​ និង​ការ​​ជំរុញ​ឲ្យ​មាន​កំណើន​រួម​»​។​

​លោក​បាន​​ប្រាប់​ ភ្នំពេញ ​ប៉ុស្ដិ៍​ ថា​៖ «​យើង​ជឿ​ជាក់​ថា កម្ពុជា​ត្រូវ​បាន​ត្រៀម​ខ្លួន​បាន​យ៉ាង​ល្អ​ដើម្បី​ទាញ​យក​ផល​ប្រយោជន៍​ពី​និន្នាការ​ពិភពលោក​ និង​ក្នុង​តំបន់​ និង​ស្វែង​រក​ហានិភ័យ​ខាង​ក្រៅ​ដើម្បី​ជំរុញ​ឲ្យ​មាន​កំណើន​រួម​ប្រកប​ដោយ​ស្ថិរភាព»៕ PB

Source of postkhmer.com

20-04-2015

Exclusive Properties For Rent

  • Villa for rent in

    SEE ALL DETAIL
  • Twin House for rent in  Nice Twin Villa For Rent @ USD 1,200/month

    Nice Twin Villa For Rent @ USD 1,200/month

    SEE ALL DETAIL
  • Condominium for rent in  Classic & Luxury Design for Lease In BKK1

    Classic & Luxury Design for Lease In BKK1

    SEE ALL DETAIL
  • Apartment for rent in  Studio Penthouse Available On St.240

    Studio Penthouse Available On St.240

    Let enjoys one of the most prestigious new lifestyle apartments service in Phn

    SEE ALL DETAIL
  • Apartment for rent in  Western Apart With Opened Top Roof

    Western Apart With Opened Top Roof

    Let enjoys one of the most prestigious new lifestyle apartments service in Phn

    SEE ALL DETAIL

Exclusive Properties For Sale

  • Twin House for sale in  Corner Twin House for Sale @ USD 230,000

    Corner Twin House for Sale @ USD 230,000

    the property is in the gated compound and situated at the corner lot . it stand

    SEE ALL DETAIL
  • Big Lot for Sale @ USD 1,500,000 In Toul Tompong

    The subject of property located in prime residential area known as a popular are

    SEE ALL DETAIL
  • Condominium for sale in  3 Bedroom For Sale @ USD 177,500

    3 Bedroom For Sale @ USD 177,500

    SEE ALL DETAIL
  • Condominium for sale in  3 Bedroom for Sale on 8th floor @ USD 172,500

    3 Bedroom for Sale on 8th floor @ USD 172,500

    SEE ALL DETAIL
  • Condominium for sale in  3 Bedroom for Sale @ 7th floor

    3 Bedroom for Sale @ 7th floor

    SEE ALL DETAIL

Management Project

  • Apartment for rent in  2 Bedrooms- Classic Design , In Prime TK

    2 Bedrooms- Classic Design , In Prime TK

    The property is located in the prime area of Toul Kork and on the sub main road

    SEE ALL DETAIL
  • Apartment for rent in  3-Beds ,Big Top Roof Swim-Pool At $ 2,500/month

    3-Beds ,Big Top Roof Swim-Pool At $ 2,500/month

    Situated in the first prime and safe area of Boeung Keng Kang 1 , with few minu

    SEE ALL DETAIL
  • Apartment for rent in  2 Beds-Big Living Space At $ 1,900/month

    2 Beds-Big Living Space At $ 1,900/month

    Situated in the first prime and safe area of Boeung Keng Kang 1 , with few minu

    SEE ALL DETAIL
  • Apartment for rent in  2-Bedroom With Swimming Pool At $2,200/month

    2-Bedroom With Swimming Pool At $2,200/month

    Situated in the first prime and safe area of Boeung Keng Kang 1 , with few minu

    SEE ALL DETAIL